Nei… ekki jólatréð!

Nú hefur þessi skríll gengið of langt. Hvað segja vinir okkar Norðmenn?
Vores kjære nordiske venner?
Ætli við fáum ekki bara einhverja smá hríslu fyrir næstu jól? Eða verða
kannski engin jól í ár? Verður öll Íslenska þjóðin komin í skuldafangelsi?

Jólatréð brennt á bálinu

Hvaða máli skiptir Ísland í dag?

Við erum aðeins 300 þúsund, lengst suður í ballarhafi, með allt niðrum okkur.
Efnahagurinn í rúst og þjóðin hrædd og reið á barmi örvæningar. Það er allavega
mín upplifun á ástandinu hér þessa stundina. Vita Ísraelar ekki um ástandið hér?

Merkilegt að þjóð sem "dissar" Sameinuðu þjóðirnar og sprengir í loft upp
spítala og matargjafir sem duga þúsundum nauðstaddra á Gasa, skuli hafa áhuga á
reyna að skýra OKKUR frá þeirra sjónarmiðum. Kannski er rétt að hitta þetta fólk og reyna
að fá einhvern botn í það hugarfar sem leiðir af sér slíkt ofbeldi gagnvart saklausum börnum
og almenningi sem enga björg getur veitt. Ég veit það ekki. Maður skilur einfaldlega
ekki svona grimmd. Hvað er það sem Ísraelsstjórn raunverulega stefnir að með þessum
árásum? Halda þeir í alvöru að nú muni Palestínumenn á Gasa hugsa með sér: „Nú þeir
eru þá svona rosalega reiðir út af því að við sprengdum þessar rörasprengjur, best að vera
þæg og góð og halda áfram að lifa í þessari eymd hérna á Gasa“ Ekki mjög líklegt.
Það er bara verið að sá fræum enn meira haturs af hálfu Hamas og almennings í Palestínu.

Heimsókn Ísraela til Íslands afþökkuð

Snillingar í almannatengslum

Ég er ekki í vafa um að þessi „frétt“ er uppspuni frá rótum.
Hún minnir allt of mikið á spunnar "fréttir" frá almannatengslastofum.
Ísraelar eru með færustu almannatengsla (PR) menn Bandaríkjanna
í vinnu hjá sér, segja mér fróðari menn. Þessi frétt á að vekja samúð
með málstað Ísraela sem eru óðum að missa allan stuðning frá
vestrænum almenningi. Rauði krossinn er sem dæmi orðinn rauður af bræði
og Læknar án landamæra eiga ekki orð yfir grimmd Ísraela.

Biðst afsökunar á mannfalli

Stundum verður að drepa börn…

Hamas liðar eru nebblega svo rosalega vondir að þeir koma sér fyrir
þar sem konur og börn eru fyrir. Þannig neyðast grey Ísraelsmenn til að
kála þessum börnum sem fjölmiðlar eru alltaf að sýna myndir af.
Síonistar á Íslandi hafa bent á að þetta er náttúrulega bara áróður,
að vera sýna öll þessi Palestínsku börn sem eru dáin. Ekkert er verið
að sýna Ísraelsk dáin börn. Svo eru Bandaríkjamenn líka vondir við Ísraela,
ekki bara Solla, þeir fengu víst ekki leyfi hjá Bush til að bomba Íran.
Ógeðslega fúlt að fá ekki að rústa Írönum, þá hefði nefnilega orðið
rosalega mikið fjör. Örugglega fullt af dánum Ísraelskum börnum og allt.

Mótmælt við stjórnarráðið

Stríðsglæpir? Nei ekki hjá hinni Guðs útvöldu þjóð.

Þetta er náttúrulega í besta falli mjög vondur brandari.
Ísraelsmenn hafa gerst sekir um fjölmarga mjög alvarlega
stríðsglæpi á síðustu árum. (Sjá t.d. http://www.ruv.is/heim/frettir/frett/store64/item83036/)
Vonandi tekur Obama skynamlegar á málum en forverar hans hafa gert.

Vill rannsókn á árásunum

Hlaupari lætur lífið á Selfossi

Ég vil votta aðstandendum og hlaupafélögum skokkarans frá Selfossi
samúð mína, um leið og ég vil minna alla á að nota endurskinsvesti
og ökumenn að gæta ýtrustu varkárni þegar þeir mæta skokkurum.

Karlmaður á fertugsaldri, sem varð fyrir sendibifreið á Suðurlandsvegi austan við Selfoss var úrskurðaður látinn skömmu eftir slysið. Vegurinn var blautur og mikið myrkur en veður gott. Lögreglan biður alla þá sem áttu leið um Suðulandsveg á þessum vegarkafla á tímabilinu milli kl. 7:45 til 7:55 að hafa samband við lögregluna í síma 480 1010.

Bandaríkjamenn og aðrir menn…

Ef 75 bandarísk börn hefðu verið myrt á nokkrum dögum í New York borg,
hvernig hefðu þá fjölmiðlar brugðist við? Ísraelar virðast komast upp með
hvað sem er. Flestum er það ljóst að með sínum gríðarlega fjárstuðningi
er Bandaríkjastjórn í raun og veru hinir réttu stjórnendur Ísrael.
Hverjir eru það þá sem í rauninni stjórna Bandaríkjunum? Gyðingar?
Mér er það bæði ljúft og skylt að geta þess að aðdáun mín á gyðingum er mikil
og er það með eindæmum að það liggur við að annar hver snillingur á sviði vísinda
og lista skuli vera gyðingur.

Harðar árásir á Vesturbakkanum

Takk fyrir okkur!

Ég er búinn að hlaupa Gamlárshlaup ÍR í ansi mörg ár og maður hefur
lent í ýmsu. Eitt sinn var snjór þvílíkur að vart var hægt að hlaupa og þá
var auðvitað hlaupið á götunni þar sem gangstéttir voru ekki ruddar.
Þá var allur gangur á því hvort að bílar vikju og á fyrstu árum hlaupsins
heyrði maður oft flautað á hlauparana og krafist að þeir vikju fyrir bílunum.
Á síðustu árum hefur þetta gjörbreyst og með frábærri aðstoð lögreglunnar
tókst nú áðan 776 hlaupurum og bílaumferðinni að vinna saman í sátt
og samlyndi í meira en klukkutíma. Kannski er ástæðan sú að margir ökumanna
eru sjálfir að skokka eða þekkja einhvern náið sem stundar hlaupin.

Það er alveg öruggt að það verða ekki færri þátttakendur á næsta ári (ef veður leyfir)
ég vil hvetja alla sem eru að skokka reglulega (eða óreglulega : ) að taka þátt í þessu
frábæra hlaupi. Ég vil sérstaklega þakka ökumönnum fyrir tillitssemina og lögreglunni
fyrir að vilja sinna okkur og um leið þakka öllum skokkurum fyrir frábært hlaupaár.
Megi árið 2009 verða jafngott a.m.k.

776 þátttakendur í gamlárshlaupi ÍR

Hver er stefna íslendinga…

… gagnvart Ísrael. Þetta vandræðabarn Vesturlanda gæti orðið sú
púðurtunna sem næst springi og valið gríðarlegri sundrung.

Það er lítið mál fyrir Bandaríkjamenn að stöðva Ísrael, en viljinn til
þess virðist enginn. Held að Obama sé mjög illa upplýstur um Ísrael
og Palestínu, eða þá heilaþveginn eins og raunin er um lang flesta
bandaríkjamenn. Vandinn í Palestínu og Ísrael hefur nákvæmlega EKKERT
með Gyðinga sem slíka að gera. Það voru mikil mistök að láta þeim þetta
land í té á sínum tíma sem við rændum frá Palestínumönnum. Síðan koma
menn og kalla mann and gyðinglega sinnaðan ef maður er þeirrar skoðunar
að Palestínumenn hafi verið beittir ranglæti. Gyðingar hafa borið höfuð og
herðar yfir annað fólk á mörgum sviðum og eiga aðdáun mína alla, en það
hefur ekkert með það að gera að palestínumenn séu beittir órétti. Gyðingar
eiga ekki meiri rétt en aðrir þó að Þjóðverjar hafi framið sitt þjóðarmorð.
Palestínumenn tóku ekki þátt í því og eru alsaklausir af því að hafa gert
nokkuð á hlut Gyðinga í Evrópu á síðustu öld.

Röð loftárása á Gaza

Hvernig bækur eiga sagnfræðingar að skrifa?

Nú er það nokkuð óumdeilt að Guðjón hefur unnið mikið þrekvirki með því að
rita ævisögur nokkurra af merkustu mönnum íslandssögunnar. Þegar hann svo
ákveður að skrifa bók um forseta íslands þar sem hann setur sig í þær stellingar
sem honum finnst hæfa um mann sem er enn starfandi forseti, þá finnst fólki
sem hann sé að svíkja einhvern málstað. Mér finnst gagnrýnin á Guðjón vera
alíka og að því væri mótmælt að Georg Guðni væri hættur að mestu að nota
bláan lit og farinn að nota rauðan meira en góðu hófi gegnir í málverkum sínum.
Sagnfræðingar eru nefnilega líka rithöfundar og þá um leið listamenn. Listamenn
eiga að hafa meira frelsi en t.d. endurskoðendur eða ættfræðingar. Mér finnast
þessi skot á Guðjón vera nokkuð lituð af því hvaða hug fólk ber til Ólafs Ragnars
og fortíðar hans sem stjórnmálamanns. Guðjóni ber engin skylda til að skrifa bók
um forseta Íslands eins og fólk út í bæ vill að hún sé skrifuð. Hann ræður því sjálfur.
Síðan heyrist mér að bókin seljist bara vel, svo að kannski er hér um að ræða hróp
fárra manna. Síðan er hitt auðvitað rétt að bókin hlýtur að vera minnisvarði um
„veröld sem var“,en endalok gróðærisins voru Guðjóni auðvitað ekki fyrirsjáanleg
frekar en okkur hinum.

Ást Guðjóns til forsetans rauði þráðurinn