Algert hvalræði…

… að þurfa að hlusta enn einu sinni á þessa hvala kverúlanta
tala um það að nú geti hvalirnir skapað störf og svo fáum við
fullt af peningum fyrir kjötið etc. Ímynd Íslands er í molum.
EKG segir í fréttum að hún sé í þvílíkum molum að það skipti
ekki máli hvað við gerum. OK. Eigum við ekki bara að fara að
skjóta Pandabirni? Ég skil ósköp vel þá sem vilja nýta hvalina,
Færeyingar eiga alla mína samúð með grindadrápið. En þeir
hafa líka stundað það með líkum hætti í hundrað ár. Íslendingar
þurfa ekkert á hvalveiðum að halda og mega einmitt ekki við því
núna að glata því litla áliti sem við þó enn njótum. Við eigum að
styrkja betur stoðir hvalaskoðunarfyrirtækja en allar líkur eru á
að þar verði um að ræða áframhaldandi vöxt á komandi árum.
Þeir sem halda að veiðar og skoðun geti átt samleið eru að mínu
mati á miklum villigötum. Ég hef t.d. talað við Hollendinga sem
segja að þeir myndu aldrei fara að skoða hvali ef við værum líka
að drepa þá í stórum stíl.

IFAW: Undrun og vonbrigði

Athugasemdir

[G. Valdimar Valdemarsson, 28.1.2009 kl. 10:41]

Þarna erum við ekki sammála Biggi.  Ég held að skoðun og veiðar geti vel farið saman. Það þarf bara að setja skýrar reglur um að menn veiði ekki á þeim svæðum þar sem hvalaskoðun fer fram, en það þýðir líka að það þarf að gera ráð fyrir svæðum þar sem veitt er. 

Við þurfum líka að stunda hvalveiðar þegar við förum í viðræður við ESB og sýna fram á að þessi réttur verði ekki af okkur tekinn í samningunum.

[Birgir Þorsteinn Jóakimsson, 28.1.2009 kl. 11:11]

Tja. Já kannski. En er á það bætandi að þjóðir heims fari að horfa á okkur sem

ekki bara gjaldþrota þjóð… heldur sem morðóða gjaldþrota þjóð. : )

En það sem ég hef líka mikinn áhuga á… og þú örugglega líka, er hver hollusta

og braggðgæði ketsins er. Mér skilst að Grindin hjá vinum mínum í Föroyjum

(konan mín er hálf Færeysk) sé ekki hollur matur, enda er Grindin ketæta.

Hrefnan ku lifa á svifi og vera herramannsmatur, enda borðaði ég mikið af henni

þegar ég var krakki á Hólmavík. Síðan er náttúrulega rétt að við eigum litið val

allt sem getur orðið okkur að pening þurfum við að nýta. En þessi umræða er

lika nauðsynleg til að við komumst að bestu niðurstöðu.

[Jónas Egilsson, 28.1.2009 kl. 11:21]

Spurning er ekki hvað Einar vill og hver er hugur almennings í landinu.

Við stjórn landsins tekur væntanlega ríkisstjórn hlaðin af "umhverfissinnum" og spurning er hvort þessi ákvörðun verður afturkölluð.

Þá er spurning hvar nýji Framsóknarflokkurinn stendur í þeim efnum.

Biggi. Það gæti verið gott fyrir þig að éta svoldið að þessu kjöti ef þú ætlar að ná árangri í hlaupum eða lífinu. Hlaðið orku!

[G. Valdimar Valdemarsson, 28.1.2009 kl. 11:28]

Sammála það er ekki hægt að ræða þessi mál úr einhverjum skotgröfum.  Við þurfum á öllum atvinnutækifærum að halda hvort sem er við veiðar eða skoðun.  Annað er líka mikilvægt og það er að horfa á áhrif hvala á stofnstærð þeirra fiskistofna sem við nýtum.   Þar verðum við að treysta á vísindalegt mat og það þýðir ekkert að koma með einhver tilfinningaleg rök í þá umræðu.  Hvalurinn étur og það hlýtur að hafa áhrif.    Varðandi álit útlendinga á Íslandi þá tel ég að við verðum bara að sýna fram á að við erum í þeirri stöðu að verða nýta þau tækifæri sem eru í boði.

[Birgir Þorsteinn Jóakimsson, 28.1.2009 kl. 11:34]

Já Færeyska Grindin er góð. Man ekki betur en að Hrefnan hafi braggðast eins og nautaket.

Hrefnan étur bara svif. Hrefnan er svipuð öðrum reyðarhvölum að vexti. Litur hennar er yfirleitt svartur eða dökkgrár á baki og síðum. Hyrna hennar er tiltölulega há og aftursveigð og eru bægslin löng og mjó og oft má sjá hvíta rák á þeim. Kviðskorur hrefnunnar eru 50-70 talsins og er hún skíðishvalur líkt og aðrar tegundir ættarinnar. Skíðin ganga niður úr efri kjálka og eru yfirleitt á bilinu 230 - 360 talsins.

[Jónas Egilsson, 28.1.2009 kl. 11:45]

Meginrök „umhverfisverndarsinna“ eru þau að það eti enginn hval og því tilgangslaust að stunda veiðar. Því má ekki gleyma að það er markmið hjá þessum hópum, að eyða áhuganum. Nú á að taka hvali í fóstur! Eitt er að stunda óhóflegar veiðar, annað er að veiða á vísindalegum grunni. Okkur hættir of oft til að halda að aðrir geti lesið hugsanir okkar og að það ekki þörf á því að upplýsa fólk - öðrum löndum sérstaklega. Þar höfum við að verulegu leyti brugðist. En Valdi, hvað gerir Framsókn ef t.d. Þórunn og Kobrún segja nei?

Segi bara eins og verðandi fjármálaráðherra "Éttan sjálfur!" Hvalur er fínn á grillið. Súrt rengi fellur reyndar ekki að mínum smekk. Hvað verður um sporðinn og aðra hluti hvalsins? Veistu það Biggi?

[G. Valdimar Valdemarsson, 28.1.2009 kl. 12:50]

Vandamálið er ekki Þórunn eða Kolbrún.  Þetta mál er ekki á forræði umhverfisráðherra heldur sjávarútvegsráðherra og spurningin er miklu frekar:  Fer Össur á taugum eða heldur hann haus.